www.alion.ge
ცხოვრების მიზნად სიმართლე გვქონდეს და სიყვარული მოძმეთა ვალად!"

ლოგო

აქტუალური სტატიები
  • თემურ სალუქვაძის განცხადება
  • ბეგლარ სიორიძე ქალაქის ბიუჯეტის შევსების რეზერვს აიპებშ ...
  • დეპუტატ ნათია შარაშენიძის ბინა დაიწვა თბილისში
  • თხილი ჩვენი არსობისა...
  • აქცია სოფ. ცხემლისხიდში
  • ექვსი საათი დეპუტატის ბიუროში
  • `გამოთავისუფლებელი თანხები ტაშფანდურას კი არა ინფრასტრუ ...
  • „არსად ისე არ მღერიან,... არსად ისე არ ცეკვავენ...
  • მომთაბარე მეცხოველეები მთავრობას მიმართავს

  • #1 (10038) მაისი, 2014 წ.
    prev next
    
    „არსად ისე არ მღერიან,... არსად ისე არ ცეკვავენ...
    1-09-2014, 00:25
    „არსად ისე არ მღერიან,... არსად ისე არ ცეკვავენ...
    30 აგვისტოს, „ასკანობის“ დასრულების შემდეგ მსოფლიო დონის პრიმა ბალერინას, ოზურგეთელთა საამაყო რძალს, ირმა ნიორაძეს საკუთარ სახლში, სოფ. ასკანაში ვესტუმრეთ.
    ეს სახლი უფროსმა ძმამ, გოჩა ჩხაიძემ საკუთარი პროექტით ააშენა მამისეული სახლის წინ, გორაკზე და დღეს იგი მისთვის და მისი მეუღლისათვის „სიმშვიდის ოაზისად“ იქცა.
    _იცით, როცა მარიინსკის თეატრში გამოვდიოდი, ძირითადად პეტერგურგში ვცხოვრობდით. ამჟამად საფრანგეთში, ნიცაში ვცხოვრობთ, რადგან იქ ფრანგულენოვან უნივერსიტეტში ვსწავლობ, ბალეტის მასწავლებლის სპეციალობაზე. როცა გოჩამ შემომთავაზა, რომ მიწა გვეყიდა ასკანაში და სახლი ჩაგვედგა, თავდაპირველად ვერ აღვითქვი, მაგრამ შემდეგ, როცა დალაგდა გონებაში, მეც ვიყავი ერთ-ერთი ვინს ჩემს მამამთილს, ზაურ ჩხაიძეს მამიუსეული ფუძის აღდგენაში შევუწყვე ხელი, თან როგორ მიყვარს გურიის ეს ულამაზესი სოფელი, დავეთანხმე. შემდეგ ჩვენ ერთად გადავწყვიტეთ, საოჯახო ინვესტიცია ჩაგვედო აქ.
    _გაამართლა თქვენმა „ინვესტიციამ“ ქალბატონო ირმა...
    
    `გამოთავისუფლებელი თანხები ტაშფანდურას კი არა ინფრასტრუქტურას უნდა მოვახმაროთ~
    28-08-2014, 16:23
    `გამოთავისუფლებელი თანხები ტაშფანდურას კი არა ინფრასტრუქტურას უნდა მოვახმაროთ~
    ასე ფიქრობს ოზურგეთის თემების საკრებულოს მაჟორიტარი დეპუტატი სოფ. შემოქმედიდან ხვიჩა წულაძე, რომელმცა 27 აგვისტოს საკრებულოს სხდომაზე დაბა ურეკში გასამართი კონცერტის 7 ათასი ლარით დაფინანსება გააპროტესტა.
    _ვიცი ადრე მეტსაც ხარჯავდნენ. ხან საბრინა მოჰყავდათ და ხან ვინ. გამოთავისუფლებული თანხები ტაშფანდურაზე კი არ უნდა დავხარჯოთ, არამედ ინფრასტრუქტურას მოვახმაროთ.
    წულაძის რეპლიკას გამგებლის მოადგილე არჩილ ყაზაიშვილი გამოეხმაურა და უპასუხა, რომ 7 ათასი ლარი ინფრასტრუქტურას არ დაეტყობა. წულაძემ უკან არ დაიხია და სწრაფად მოუჭრა :_ კი დაეტყობაო.
    
    ექვსი საათი დეპუტატის ბიუროში
    25-08-2014, 23:13
    ექვსი საათი დეპუტატის ბიუროში
    დღეს, საქართველოს პარლამენტის მაჟორიტარმა დეპუტატმა ზვიად კვაჭანტირაძემ დეპუტატის ბიუროში მოქალაქეების მიღება გამართა. მიღება ექვს საათზე მეტ ხანს გაგრძელდა და მან 30 ადამიანზე მეტს მოუსმინა, მათ პრობლემებს გაეცნო. მოქალაქეები იყვნენ ქ. ოზურგეთიდან, დაბა ურეკიდან, ლაითურიდან, ნარუჯიდან; სოფლებიდან ასკანა, მთისპირი, ვაკიჯვარი, დვაბზუ, ძიმითი, ლიხაური, ხვარბეთი, სილაური, გურიანთა, ნატანები, შრომა.
    მოქალაქეთა უმეტესობა სხვადასხვა სახის დახმარებას ითხოვდა სახლის დაწვის (2 მოქალაქე), მეწყერისგან სახლის და კარმიდამოს დაზიანების, საცხოვრებელი სახლის გადახურვის, სამუშაოზე მოწყობის და ა.შ.
    
    მომთაბარე მეცხოველეები მთავრობას მიმართავს
    24-08-2014, 21:24
    მომთაბარე მეცხოველეები მთავრობას მიმართავს
    ბახმაროს და გომისმთის საძოვრებს რეგიონის მეცხოველეობის განვითარებაში მნიშვნელოვანი ადგილი ეკავა. ზაფხულობით ოზურგეთის საზოგადოებრივი მეურნეობების ათასობით სული მსხვილფეხა პირუტყვი მიჰყავდათ ბაისურას, სომლიას, საძელიას, ლაშისკარავის, ნაღვარევის, მგელის საწოლის და სხვა ადგილებში. შრომელები უფრო შორსაც მიდიოდნენ და ზაფხულობით მათი მომთაბარე ფერმა შუაგორაში (ჩოხატაურის მუნიციპალიტეტი, ზემო სურები) იდგა.
    გასული საუკუნის 90-იანი წლების კატაკლიზმებმა ძალზე დიდი დარტყმა მიაყენა მომთაბარე მეცხოველეობას. საზოგადოებრივი მეურნეობები გაუქმდა, ჯერ კიდევ ამ მეურნეობის ზოგიერთმა ხელმძღვანელმა, `ჩალის ფასად~, დროებით სარგებლობაში გადასცა მათი ფერმის შენობა და ტერიტორია მიმდებარე რეგიონის კერძო პირებს.
    კერძო მეცხოველეები ოზურგეთიდაც დადიოდნენ მთაში. დღესაც მოქმედებს ბაისურაზე მესხიების, ხინთიბიძეების, ჯანელიძეების კარვები, მაგრამ უნდა აღინიშნოს, რომ მომთაბარე მეცხოველეობაში უფრო წარმატებულნი მეზობელი რეგიონის მცხოვრებლები და ასევე აჭარის ზემო რეგიონიდან და ჩოხატაურის მუნიციპალიტეტის სოფ. ზოტიდან ოზურგეთში გადმოსული მოსახლეობაა.
    
    აქცია სოფ. ცხემლისხიდში
    24-08-2014, 21:20
    აქცია სოფ. ცხემლისხიდში
    22 აგვისტოს, ოზურგეთის მუნიციპალიტეტის სოფ. ცხემლისხიდში ადგილობრივმა მოსახლეობამ (ცხემლისხიდი, ბაღდადი, უჩხუბი) საპროტესტო აქცია გამართეს. აქციის მონაწილეთა მთავარი მოთხოვნა იყო 2014 წლის 5 ივნისს, ქარიშხლისგან თხილის პლანტაციებისადმი მიყენებული ზარალის ანაზღაურება.
    სოფლის მოსახლეობას ამ თემაზე ესაუბრნენ სოფლის მაჟორიტარი დეპუტატი ლალი სიჭინავა და ქ. ოზურგეთის საკრებულოს დეპუტატები პატრიოტთა ალიანსიდან გოჩა ძიმისტარიშვილი, ავთანდილ ხინთიბიძე. . აქციის მონაწილეების მიერ შედგენილი მიმართვის ტექსტი ლალი სიჭინავამ ადგილობრივ ხელისუფლებას გადასცა.
    
    ბეგლარ სიორიძე ქალაქის ბიუჯეტის შევსების რეზერვს აიპებში ხედავს
    18-08-2014, 22:56
    ბეგლარ სიორიძე ქალაქის ბიუჯეტის შევსების რეზერვს აიპებში ხედავს
    დღეს, ქ. ოზურგეთის საკრებულოს სხდომა გაიმართა. სხდომაზე 35 საკითხი განიხილეს, მათ შორის `ქალაქ ოზურგეთის მინიციპალიტეტის 2014 წლის ბიუჯეტის დამტკიცების შესახებ.~ ქ. ოზურგეთის ბიუჯეტი 3 911,7 ათას ლარს შეადგენს.
    სხდომას ქ. ოზურგეთის მერი ბეგი სიორიძე ესწრებოდა, რომელმაც ბიუჯეტის განხილვისას განაცხადა:_ძალიან გაბერილია აიპების შტატები. დღეს მათი წესდებები დაამტკიცა საკრებულომ და ახალ ხელმძღვანელს დავნიშნავთ. . ვნახავთ ვის რა შემოსავლები აქვს და ვინ როგორ ფინსანსდება.თქვენ დაინახავთ ბიუჯეტში რა ეკონომიას გავაკეთებთ აიპების ხარჯზე. ქალაქის მერის განცხადებას მხარი დაუჭირა `დავით თარხან-მოურავი-საქართველოს პატრიოტთა ალიანსის~ოზურგეთის ორგანიზაციის თავმჯდომარე, დეპუტატმა გოჩა ძიმისტარიშვილმა.
    _მართლაც ძალიან გაბერილია აიპების შტატები_ თქვა მან.
    
    თემურ სალუქვაძის განცხადება
    18-08-2014, 15:17
    თემურ სალუქვაძის განცხადება
    დღეს, 18 აგვისტოს, ქ. ოზურგეთის საკრებულოს სხდომაზე დეპუტატმა თემურ სალუქვაძემ განცხადება გააკეთა:
    
    დეპუტატ ნათია შარაშენიძის ბინა დაიწვა თბილისში
    16-08-2014, 22:09
    დეპუტატ ნათია შარაშენიძის ბინა დაიწვა თბილისში
    დღეს, ქ. ოზურგეთის საკრებულოს ლეიბორისტმა დეპუტატმა ნათია შარაშენიძემ სოციალურ ქსელში შემდეგი განცხადება გაავრცელა: _„ბინა დამიწვეს, თუ ეს არ არის იქ მცხოვრები ქალბატონის (მდგმურის) დაუდევრობა, ესე იგი ადგილი გვაქვს ხელისუფლების მიერ ჩემს მიმართ ანგარიშსწორებაზე, რადგან სწორედ აღნიშნულ ბინაში ვარ რეგისტრირებული. ექსპერტიზა დაწყებულია და ველოდები პასუხს. ნელ-ნელა შოკიდან გამოვდივარ.“
    გაზეთი „ალიონი“ ნათია შარაშენიძეს დაუკავშირდა:
    _ჩემი კუთვნილი ბინა ქ. თბილისში, აეროპორტის დასახლებაში, 14 აგვისტოს დღის მეორე ნახევარში დაიწვა.ხანძარი საიდან გაჩნდა, ვერ მითხრეს, მდგმური იყო ბინაში, რომელიც ამბობს რომ 3 დღეა სახლში არ ყოფილა. პოლიციის პასუხები ხანძრის გარემოების შესახებ არაადეკვატურია. მათი ცინიზმი ჩემს მიმართ გაუგებარია. ახლა ექსპერტიზის დასკვნას ველოდები, ვნახოთ რას იტყვიან.
    
    თხილი ჩვენი არსობისა...
    16-08-2014, 11:18
    თხილი ჩვენი არსობისა...
    თხილის კულტურას, შემოსავლის კუთხით, მნიშვნელოვანი ადგილი უჭირავს გლეხის (ფერმერის) ოჯახის შემოსავლებში. ამიტომ, რეგიონის მოსახლეობისათვის უდიდესი ზარალის მომტანი იყო მიმდინარე წლის 5 ივნისის ქარიშხალი, რომელმაც ოზურგეთის მუნიციპალიტეტის სოფლების უმეტესობას გადაუარა და მოსახლეობას მნიშვნელოვანი ზარალი მიაყენა. განსაკუთრებული ზარალი მიადგა თხილის პლანტაციებს, სადაც მოხდა ნაყოფის მასიური ცვენა.
    ქარიშხლის შემდეგ მოსახლეობაში გავრცელდა ხმები, რომ სახელმწიფო მოსახლეობას ზარალის ანაზღაურებაში დაეხმარებოდა, თუმცა შემდეგ ეს თემა მიჩუმდა.
    ამ რამდენიმე დღის წინ რედაქციაში სოფ. შემოქმედიდან ერთ-ერთი ცნობილი პიროვნება მოვიდა და მოსახლეობის თხოვნა გადმოგვცა, ჟურნალისტები მეტად დავინტერესებულიყავით თხილის თემით.
    

    საიტის თავში