www.alion.ge
ცხოვრების მიზნად სიმართლე გვქონდეს და სიყვარული მოძმეთა ვალად!"

ლოგო

აქტუალური სტატიები
  • ბახველი ფეხბურთელები მიხეილ მესხის მაისურებს ჩაიცვამენ
  • გია მამაკაიშვილი: ,,იმდენს გავაკეთებთ გომისმთამ ბახმარო ...
  • გურიის მოამბემ~ `ალიონის~ მისამართით მორიგი ტყუილი გამ ...
  • კაოლინის ქარხანა _ `ნაციონალების~ დროს დვაბზუში ორჯერ ბ ...
  • დაირღვა თუ არა კანონი ინფორმაციის გაუცემლობით და გადაურ ...
  • „არანაირი ძალადობა, უკანონო ქმედება არ ყოფილა“
  • ბავშვთა რეგიონული სტომატოლოგიური ცენტრი გაიყიდა
  • ძნელი მატჩი ოზურგეთში
  • დავა, რომელზეც ალბათ კიდევ დიდხანს `იბაზრებენ~
  • კომპანია „ქართული ტრადიციული მეღვინეობა“ და მისი საშვილ ...

  • #1 (10038) მაისი, 2014 წ.
    prev next
    
    „მერცხალმა“ დამსახურებულად მოიპოვა სამი ქულა
    16-04-2015, 22:57
    „მერცხალმა“ დამსახურებულად მოიპოვა სამი ქულა
    საქართველოს ჩემპიონატის (პირველი ლიგა„ბ“ჯგუფი) ფინიშზე თითოეული მატჩის შედეგი მნიშვნელოვანია. ოზურგეთის „მერცხალის“უშუალო კონკურენტები მარნეულის „ალგეთი“ და წალენჯიხის „სქური“ქულებს აგროვებენ და იბრძვიან, რომ პირველ ლიგას არ უნდა დაემშვიდობოს.
    „მერცხალმა“ „ბორჯომთან“ საშინაო მარცხის (0:2) შემდეგ ხონში წააგეს გათამაშების ერთპიროვნულ ლიდერთან, თერჯოლის „საპოვნელასთან“ (1:3).
    დღევანდელ შეხვედრას ტყიბულის „მეშახტესთან“დიდ ინტერესს იწვევდა. წინა მატჩებისაგან განსხვავებით ოზურგეთელები უფრო გახსნილები იყვნენ და გაბედულად უტევდნენ მეტოქის კარს. თავშივე უნდა აღვნიშნო, რომ მატჩი კორექტურად ჩატარდა, რაშიც თავისი წვლილი შეიტანა ქუთაისელთა მსაჯთა ბრიგადამ (მთავარი მსაჯი, ეროვნული კატეგორიის მსაჯი გიორგი დოგრაშვილი).
    
    ოზურგეთის მუნიციპალიტეტის საკრებულო აცხადებს კონკურსს
    11-04-2015, 18:44
    ოზურგეთის მუნიციპალიტეტის საკრებულო აცხადებს კონკურსს
    სიმბოლოების - გერბისა და დროშის შექმნის მიზნით

    1. კონკურსის საფუძველი.

    1.1 კონკურსის საფუძველია „საქართველოს ორგანული კანონი“-ს ადგილობრივი თვითმმართველობის კოდექისის მე-8 მუხლი და საქართველოს პარლამენტთან არსებული ჰერალდიკის სახელმწიფო საბჭოდან მ/წლის 23 იანვრის შემოსული 8/01.07 წერილი.

    2. კონკურსის მიზანი.

    2.1 კონკურსის მიზანია ოზურგეთის მუნიციპალიტეტის სიმბოლიკის: გერბისა და დროშის საუკეთესო პროექტის შერჩევა.

    3. ზოგადი კრიტერიუმები.

    3.1 კონკურსს ატარებს ოზურგეთის მუნიციპალიტეტის საკრებულო.
    
    გენდერული ფრაქცია ქალაქ ოზურგეთის საკრებულოში
    8-04-2015, 22:56
    ალიონი. ახალი ფრაქციის შექმნა დღის წესრიგში მას შემდეგ დადგა, რაც საკრებულოს დეპუტატმა გოჩა ძიმისტარიშვილმა ფრაქცია „პატრიოტთა ალიანსი“ დატოვა და იგი დაიშალა.
    საკრებულოს დეპუტატ ირინა საჯაიას ინფორმაციით შეიქმნა ახალი ფრაქცია, რომელსაც „ჩვენი ოზურგეთი“ ეწოდა და მასში ქალბატონი ნანული ორაგველიძე პატრიოტთა ალიანსიდან, ნინო ტაბატაძე სალომე ზურაბიშვილის პარტიიდან და ირინა საჯაია გაერთიანდებიან.
    _ფრაქციის თავმჯდომარე ნანული ორაგველიძე იქნება, ფრაქცია არ იქნება პარტიული, მისი შემადგენლობიდან გამომდინარე, ფაქტიურად გენდერული ფრაქცია იქნება_ გვითხრა ირინა საჯაიამ.
    
    გურიაში ეკომიგრანტებისთვის 15 სახლი შეიძინეს
    7-04-2015, 23:14
    გურიაში ეკომიგრანტებისთვის 15 სახლი შეიძინეს
    საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, შვეიცარიის განვითარებისა და თანამშრომლობის სააგენტოს (SDC) რეგიონალური დირექტორი რუდოლფ შოხი და ადგილობრივი ხელისუფლების წარმომადგენლები ოზურგეთსა და ლანჩხუთში განსახლებულ ეკომიგრანტ ოჯახებს შეხვდნენ და მათი საცხოვრებელი პირობები მოინახულეს.
    SDC-ის დაფინანსებით აჭარის მაღალმთიანი მუნიციპალიტეტებიდან 20 ოჯახს შეუძინეს სახლი მათ შორის თხუთმეტს გურიის რეგიონში. საბიუჯეტო ასიგნებების ფარგლებში, გურიის სოფლებში ეკომიგრანტი ოჯახებისათვის შესყიდული იქნა დამატებით 8 სახლი. საცხოვრებელი სახლები სტიქიით დაზარალებულმა ოჯახებმა თავად შეარჩიეს.
    სამინისტროს, SDC-ის, აჭარის მთავრობისა და რეგიონალური განვითარებისა და სოციალური დახმარების ცენტრს შორის გაფორმებული ხელშეკრულების ფარგლებში, რეგიონალური განვითარების ცენტრმა ეკომიგრანტ ოჯახებს საჭიროებაზე მორგებული პირველადი დახმარება გაუწია. პირველადი დახმარება გულისხმობს სტიქიით დაარალებული ოჯახებისთვის საქონლის, სათესლე მასალის, შესაწამლი აპარატურის, სასუქის შესყიდვას.
    
    ოზურგეთის „მერცხალი“ „ბორჯომთან“დამარცხდა
    6-04-2015, 21:55
    ოზურგეთის „მერცხალი“ „ბორჯომთან“დამარცხდა
    ოზურგეთის „მერცხალს“ შარშანდელივით მძიმე ფინიში აქვს. კვლავ კითხვის ქვეშ დგას მისი პირველ ლიგაში დარჩენის საკითხი. ძალიან დიდი მნიშვნელობა ჰქონდა თუნდაც ქულის მოპოვებას, გათამაშების მე-2 საფეხურზე მყოფ „ბორჯომთან,“ თუმცა ეს ასე არ მოხდა.
    დღევანდელ მატჩს ქუთაისელ მსაჯთა ბრიგადა სჯიდა ( მთავარი მსაჯიეროვნული კატეგორიის მსაჯი გიგი კიკაჩეიშვილი)
    „ბორჯომი“ მცირე ტექნიკური უპირატესობით სჯობნიდა პირველი ტაიმის დასაწყისში „მერცხალს.“ 23-ე წუთზე ქუთაისელმა მსაჯმა თანაქალაქელი, ამჟამად „მერცხალის“თავდამსხმელი ზაურ ხაჭიპერაძე გააძევა მოედნიდან. ეს დიდი დანაკლისი იყო გუნდისთვის და რიცხობრივმა უპირატესობამ სტუმრებს ხელ-ფეხი გაუხსნა. 43-ე წუთზე მიხეილ ჩხარტიშვილმა სტუმრები დააწინაურა-0:1.
    
    გურიის მოამბემ~ `ალიონის~ მისამართით მორიგი ტყუილი გამოაქვეყნა
    4-04-2015, 16:00
    გაზეთმა `გურიის მოამბე~ კიდევ ერთხელ დაამტკიცა, რომ სიცრუის ტირაჟირების დიდოსტატია, მან ამჯერად საკუთარ ვებ-გვერდზე, წერილში `ოზურგეთის ცენტრში მდებარე "სტომატოლოგიურის" შენობა გაიყიდა - დგას თუ არა ბეგი სიორიძე აუქციონის უკან“ ` ალიონის~ მისამართით მორიგი ტყუილი გამოაქვეყნა. `ვრცელდება ინფორმაცია, რომ აუქციონის შესახებ საზოგადოების ნაკლებინფორმირებისა და კონკურენტთა თავიდან აცილების მიზნით, ადგილობრივი გაზეთის მთელი ტირაჟი, რომლშიც გავიდა ოფიციალური განცხადება აუქციონის შესახებ, "ვი თი ბი" ბანკის ოზურგეთის ფილიალის მმართველმა, გოჩა სალუქვაძის ძმამ, ბიძინა სალუქვაძემ-მეტსახელად "ქოქემ" შეიძინა“, - წერს „გურიის მოამბე“.მთელი პასუხისმგებლობით ვაცხადებთ, რომ „ალიონის“ ხანგრძლივ ისტორიაში ასეთ ფაქტს ადგილი არასოდეს ჰქონია. ეს წერილის ავტორის, სავარაუდოდ, „გურიის მოამბის“ დამფუძნებლისა და „რუსთავი-2-ის“ კორესონდენტის ვლადიმერ მენაბდის მორიგი ტყუილი და დემაგოგიაა.
    
    დაირღვა თუ არა კანონი ინფორმაციის გაუცემლობით და გადაურჩებიან თუ არა ბეგი სიორიძე და ბესიკ მელუა ნათია შარაშენიძისა და ლეიბორისტული პარტიის რისხვას?
    4-04-2015, 15:23
    დაირღვა თუ არა კანონი ინფორმაციის გაუცემლობით და გადაურჩებიან თუ არა ბეგი სიორიძე და ბესიკ მელუა ნათია შარაშენიძისა და ლეიბორისტული პარტიის რისხვას?
    30 მარტს „ოზურგეთის დემოკრატიული ჩართულობის ცენტრში“ ქალაქ ოზურგეთის მუნიციპალიტეტის საკრებულოს დეპუტატმა ლეიბორისტული პარტიიდან, ქალბატონმა ნათია შარაშენიძემ პრესკონფერენცია გამართა.
    დეპუტატმა ადგილობრივ ჟურნალისტებს გააცნო მის მიერ გამოთხოვილ საჯარო ინფორმაციაზე ქალაქის მერიიდან მიღებული წერილობითი პასუხი:
    P_ 25 მარტს მოვითხოვე, რომ კანონით დადგენილ ვადებში, მოეწოდებინათ მონა-ცემები 2014-2015 წლებში გაცემული ერთჯერადი სოციალური დახმარებების შესახებ, ასევე ინფორმაცია საგარანტიო წერილების შესახებ და სახელობითი სია. ეს საბიუჯეტო თანხებია და მისი განკარგვის გაკონტროლება მსურდა. მქონდა ინფორმაცია, რომ ერთჯერად დახმარებებს მიზანმიმართულად აძლევდნენ არა მათ, ვისთვისაც უნდა მიეცათ. არამედ ოცნების აქტივისტებსა და მათ ოჯახებს.
    გუშინ მივიღე მერიიდან წერილობითი პასუხი, რომელშიც აღნიშნულია, რომ ეს ინფორმაცია ძალიან კონფიდენციალურია და მერიას არ შეუძლია მისი გაცემა. ინფორმაცია, რომელსაც ვფლობდი, არის რეალური და ვეჭვობ, მერს არ სურდა, გადამემოწმებინა ეს ყველაფერი, ანუ არის მცდელობა ამ სახით დამალოს, რასაც აკეთებენ, ვისზე გასცემენ ერთჯერად სოციალურ დახმარებებს.
    
    კოოპერატივებმა მინიტრაქტორები მიიღეს
    4-04-2015, 15:21
    კოოპერატივებმა მინიტრაქტორები მიიღეს
    ალიონი. გასულ პარასკევს სოფლის მეურნეობის სამინისტროს კოოპერატივების გაერთიანების სააგენტომ რეგიონის კოოპერატივებისათვის მინიტრაქტორების გადაცემა დაიწყო.
    5-5 მინიტრაქტორი მიიღეს ჩოხატაურის მუნიციპალიტეტის სოფ. ზოტის კოოპერატივმა „ულეველამ“და ოზურგეთის მუნიციპალიტეტის სოფ. შრომის კოოპერატივმა „ციტრუსი პლუს; “თითო-თითო კოოპერატივებმა „თოლი,“ „ახალი გურიანთა,“ „გომი გურია.“
    მინიტრაქტორების გადაცემა შპს „მექანიზატორის“ ოზურგეთის სერვისცენტრში მოხდა. როგორც სერვისცენტრის მენეჯერმა ბესიკ გოგიტიძემ გვითხრა, ფერმერებს გადაეცათ იტალიური, მინიტრაქტორები, რომლებიც „ბოშის“ ძრავითაა აღჭურვილი. მინიტრაქტორი რამდენიმე ოპერაციას ასრულ\-ებს. მათი ინფორმაციით წელს 155 კოოპერატივზე 440 ერ-თეული ტექნიკა გაიცემა.
    ერთი ერთეული ტექნიკა კოოპერატივ „თოლი“-ს გადაეცა. ეს კოოპერატივი სოფ. ფამფალეთში შეიქმნა და მისი დამფუძნებლები კორნელი ინწკირველი და დავით თენიეშვილი არიან.
    
    გია მამაკაიშვილი: ,,იმდენს გავაკეთებთ გომისმთამ ბახმაროს აჯობოს“
    4-04-2015, 15:18
    გია მამაკაიშვილი: ,,იმდენს გავაკეთებთ გომისმთამ ბახმაროს აჯობოს“
    ოზურგეთის მუნიციპალიტეტის გამგეობის საფინანსო საბიუჯეტო სამსახურის უფროსი გია მამაკაიშვილი გვპირდება, რომ გურიის ერთ-ერთ გამორჩეულ კურორტ გომისმთაზე სასიკეთო ცვლილებები განხორციელდება. პირველი მნიშვნელოვანი სიახლე ადგილობრივი მნიშვნელობის საავტომობილო გზის 15–კილომეტრიანი მონაკვეთის მშენებლობაა. საგზაო სამუშაოები თითქმის დასრულებულია. ოფიციალური გახსნაც უახლოეს მომავალში შედგება. იგეგმება კურორტის ელექტრიფიკაცია. წყალგაყვანილობის გამართვა. აშენდება პოლიციის ადმინისტრაციული შენობა. დაიწყება მიწის დაგეგმვითი სამუშაოები. როგორც ჩვენთვის გახდა ცნობილი, მუშაობა მიმდინარეობს სააგარაკო სახლების პროექტის რამდენიმე ვარიანტზე. მოგვარდება დასუფთავების პრობლემაც. მამაკაიშვილმა გვითხრა, რომ დაიწყება დასუფთავების მოსაკრებლის აღება. ,,შემოღებული იქნება ადგილობრივი გადასახადი. ამით კურორტს გაუჩნდება საკუთარი შემოსავალი“.
    
    გურიანთაში ცოფიანმა ძაღლმა რამდენიმე ადამიანი დაკბინა
    4-04-2015, 15:17
    ოზურგეთში ცოფის შემთხვევა კვლავ დაფიქსირდა. ამჯერად სოფელ გურიანთაში დოლიძეების ძაღლი გაცოფდა. პირველად ძაღლმა მეზობლად მცხოვრები როინ ზოიძე დაკბინა. დაკბენილს და მისი ოჯახის წევრებს ფაქტი საგანგაშოდ არ ჩაუთვლიათ მანამ, სანამ ძაღლმა კიდევ რამდენიმე მეზობელს არ უკბინა. ძაღლმა, ადამიანების გარდა, პირუტყვსაც გაჰკრა კბილი, მაგალითად ზოიძეების ღორებს. _ ,,დაკბენილი ღორების სახლში გაჩერება შეგვეშინდა, ძაღლიც ჩავაბარეთ, როინი ვაქცინას დღემდე იკეთებს~, – გვითხრეს ოჯახის წევრებმა.
    როცა ძაღლის პატრონმა და მეზობლებმა ცოფზე იეჭვეს, სოფლის რწმუნებულს, კოტე ჩიკაშუას და შეესაბამის სამსახურებს აცნობეს.
    სურსათის ეროვნული სააგენტოს გურიის რეგიონულმა სამმართველომ ძაღლზე დაკვირვება დაიწყო. ძაღლი ოთხ დღეში დაიღუპა. ცხოველის თავი შესაბამისი დიაგნოსტიკისთვის თბილისში გადაგზავნეს.. დადგინდა, რომ საქმე ცოფთან ჰქონდათ. სურსათის ეროვნული სააგენტოს თანამშრომლებმა დოლიძეების ოჯახში, შესაბამისი წესების დაცვით, დეზიფექცია ჩაატარეს. ვაქცინაცია უტარდება ყველა დაკბენილს. მეზობლობაში, პატრონების თანხმობით, რამდენიმე ძაღლის მოკვდინება მოხდა. 3 აპრილს მიმდებარე ტერიტორიაზე აიცრა ძროხებიც.
    

    გამოკითხვა

    ფოტოზე საავტორო უფლება დაცულია. გთხოვთ თავი შეიკავოთ მისი გადაწერისაგან!

    სამართავი პანელი

    
    ლოგინი
    პაროლი

    კალენდარი

    «    აპრილი 2015    »
    ორსაოთხუთპრშბკვ
     
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
     

    ამინდის პროგნოზი

    ვალუტის კურსი


    საიტის თავში